ՀԳՄ-Ի ՀՅՈՒՐՆ ԷՐ ՂԱԶԱԽՍՏԱՆԻ ԴԵՍՊԱՆԸ

Հայաստանի գրողների միությունը հյուրընկալել էր Հայաստանում Ղազախստանի արտակարգ և լիազոր դեսպան Թիմուր Ուրազաևին: Քննարկվեցին հայ-ղազախական գրական կապերի ամրապնդման, հետագա համագործակցությանն առնչվող բազմաբնույթ հարցեր: Կողմերը փաստեցին, որ մեծ է երկու բարեկամ ժողովուրդների գրական ավանդույթները պահպանելու անհրաժեշտությունը, նշեցին, որ երկու երկրների մշակութային ներուժը` համակցված բարի կամքի հետ, պարտավորեցնում է անել հնարավորը ոչ միայն այդ ավանդույթները ամրապնդելու, այլև դրանք զարգացնելու, որակական նոր չափանիշների հասցնելու ուղղությամբ: