Հրատարակվել է Վրաստանի գրողների ստեղծագործական միության և Վրաստանի «Կամուրջ» գրական-մշակութային հասարակական կազմակերպության «Կամուրջ» տարեգրքի 2013 թ. հատորը: Ինչպես խմբագրականում նշում է տարեգրքի կազմող և գլխավոր խմբագիր Անահիտ Բոստանջյանը, հերթական «Կամուրջն» իր ավանդական ու նոր խորագրերով, ինչպես միշտ, թերևս ավելի լայն ձևաչափով, իրար է ներդաշնակել ինչպես վիրահայ ու վրացական, նաև Սփյուռքի մշակութապահպան գործերը՝ շարունակելով բարեկամությունն ու բարին խորացնելու իր առաքելությունը: Բազմաբնույթ և բազմաբովանդակ են տարեգրքում առկա ժանրերը, որոնք դասակարգվել են «Արձակ և չափածո էջեր», «22 տարվա ընդմիջումից հետո` «Սևծովյան այգաբացը» նորից «Կամուրջում», հրապարակագրություն», «Օտարագիր, բայց ոչ օտար», «Մեր հայրենակիցները Հայաստանում և Սփյուռքում», «Դասական էջեր», «Գրական միջօրեականներ», «Հյուր են Հայաստանի և Արցախի երիտասարդ գրողները», «Ժառանգորդները Հայոս-Քարթլոսի», «Թարգմանական էջեր» և այլ խորագրերի ներքո: Թբիլիսիի «Մերանի» հրատարակչության կողմից լույս տեսած «Կամուրջ-2013»-ը հրատարակվել է մեկենասությամբ ՀՀ Սփյուռքի նախարարության, ամերիկաբնակ բանաստեղծ Ավիկ Դերենցի (Դեիրմենջյան), ամերիկաբնակ գրականագետ, հրատարակիչ Հովսեփ Նալբանդյանի:
Կարդալ նաեւ․․․

«ՆԱՀԱՊԵՏԻ ԱՇՈՒՆԸ» ՀՈՒՇ-ԵՐԵԿՈ` ՆՎԻՐՎԱԾ ՌՈՒԲԵՆ ՀՈՎՍԵՓՅԱՆԻ ՀԻՇԱՏԱԿԻՆ
Սեպտեմբերի 25-ին Կոմիտասի թանգարան-ինստիտուտում տեղի ունեցավ «Նահապետի աշունը» խորագրով հուշ-երեկո`…

Ակսել Բակունց – 125
*** Ակսել Բակունցի ծննդյան օրը՝ 125-ամյակի կապակցությամբ, գրողների մի խումբ…

1915 թ.: Պատճառներ և հետևանքներ
Հունիսի 10-ին ՀԳՄ Կլոր սրահում տեղի ունեցավ ՀԳՄ արձակի և…