Դեկտեմբերի 11-ին ՀԳՄ կլոր սրահում տեղի ունեցավ հանդիպում ռուս գրողներ Իգոր Կարաուլովի, Աննա Դոլգարևայի և Անդրեյ Պոլոնսկու հետ: Հանդիպումը կազմակերպվել էր Հայաստանում Ռուսաստանի հետ համագործակցության ներկայացուցչության` «Ռոսսոտրուդնիչեստվոյի» համագործակցությամբ: Ողջույնի խոսքով հանդես եկավ բանաստեղծ, թարգմանիչ Կոնստանտին Շաքարյանը: Հանդիպումը վարում էր կազմակերպության ներկայացուցիչ Արամ Գյուրջյանը: Նա ներկայացրեց ռուս գրողներին, խոսեց նրանց գործունեության մասին: Անդրեյ Պոլոնսկին ընթերցեց բանաստեղծություններ Հայաստանի ու Արցախի մասին: Իգոր Կարաուլովը խոսեց ռուս գրողների՝ տարբեր երկրներ այցելելու ծրագրի մասին և ընթերցեց բանաստեղծություններ իր նոր հրատարակած «Հիմնական բառերը» գրքից: Աննա Դոլգարևայի բանաստեղծությունները պատերազմի ու մարդկային հոգու զգացողությունների մասին էին: Այնուհետև գրողները պատասխանեցին ներկաների հարցերին: Ներկա ռուսագիր գրողները նույնպես ընթերցեցին իրենց ստեղծագործություններից:
Կարդալ նաեւ․․․
ԱՅՑԵԼՈՒԹՅՈՒՆ ՎԻՐԱՎՈՐ ՄԱՐՏԻԿՆԵՐԻՆ
Հայաստանի գրողների միության անդամներ՝ ՀԳՄ քարտուղար, գրականագետ Պետրոս Դեմիրճյանը,…
Հանդիպում արձակագիր, բանաստեղծ Արմենուհի Սիսյանի հետ
*** Մարտի 28-ին Դերենիկ Դեմիրճյանի տուն-թանգարանում տեղի ունեցավ հանդիպում արձակագիր, բանաստեղծ Արմենուհի Սիսյանի հետ: Հանդիպմանը ներկա էին Մ. Հերացու անվան պետական բժշկական համալսարանի ուսանողներ, ընթերցողներ: Ուսանողները մեծ հետաքրքրությամբ ծանոթացան Դ. Դեմիրճյանի անձնական իրերին, նրա կյանքի հետաքրքրաշարժ դրվագներին: Այնուհետև տուն-թանգարանի տնօրեն Կարինե Ռաֆայելյանի բանախոսությամբ ծավալվեց յուրատեսակ քննարկում՝ Արմենուհի Սիսյանի արձակ ստեղծագործությունների շուրջ:…
ՏԱՐԵԿԱՆ ԱՄՓՈՓԱԳԻՐ ՀԱՅԱՍՏԱՆԻ ԳՐՈՂՆԵՐԻ ՄԻՈՒԹՅԱՆ ԵՎ ՆՐԱ ԿԱՌՈՒՅՑՆԵՐԻ 2017 ԹՎԱԿԱՆԻ ՖԻՆԱՆՍԱՏՆՏԵՍԱԿԱՆ ԳՈՐԾՈՒՆԵՈՒԹՅԱՆ
ՀԳՄ վերստուգիչ հանձնաժողովը, ուսումնասիրելով ՀԳՄ և նրա կառույցների 2017 թ.…
