Նոյեմբերյան համայնքի ՀԳՄ բաժանմունքի ղեկավար Սամվել Բեգլարյանի նախաձեռնությամբ նոյեմբերյանցիները այս տարի ևս մասնակցություն ունեցան Հովհաննես Թումանյանի հիմնադրած Սայաթ-Նովայի «Վարդատոնին»։
Նոյեմբերյանի Մշակույթի կենտրոնի տնօրեն Սոնյա Զուրաբյանի ղեկավարությամբ ներկայացուցչական խումբը մեծ աշուղի՝ հայկական եկեղեցու բակում գտնվող շիրիմին կարմիր վարդեր խոնարհելուց հետո շրջեց Թբիլիսիում՝ ծանոթանալով քաղաքի հայկական եկեղեցիներին և բազմաթիվ հուշավայրերին։ Հանդիսավոր արարողությունից հետո կայացած համերգին ներկաները ջերմորեն ընդունեցին Նոյեմբերյանի Մշակույթի կենտրոնի «Սոսե» պարային համույթի մենակատար Լուիզա Ռևազյանի (պարուսույց՝ Կարինե Ջիլավյան) և ասմունքող Նաիրա Աբրահամյանի ելույթները։
Թբիլիսիի Աբելյանի անվան թատրոնի գլխավոր ռեժիսոր Արմեն Բայանդուրյանը և տոնահանդեսի կազմակերպիչները շնորհակալություն հայտնեցին նոյեմբերյանցիներին՝ միջոցառմանը տպավորիչ մասնակցություն ունենալու համար։
Ռուսլան ՄԱԼԻՆՅԱՆ
