Գրական համագործակցություն

 

«Մենք և աշխարհը» շարքի հերթական՝ «Խղճի բանաստեղծը» գիրքը նվիրված է բուլղար մեծ բանաստեղծ Պեյո Յավորովի ծննդյան 145-ամյակին («Ծիծեռնակ» հրատարակչություն)։ Գրքի նախագծի հեղինակն ու կազմողը բանաստեղծ, ՀԳՄ նախագահ Էդվարդ Միլիտոնյանն է։ Այնտեղ տեղ են գտել Պ. Յավորովի հայտնի «Հայերը» բանաստեղծությունը բուլղարերեն և հայերեն երեք՝ Սիլվա Կապուտիկյանի, Համո Սահյանի, Գևորգ Էմինի թարգմանությամբ, ինչպես նաև գնահատանքի խոսքեր, բանաստեղծություններ, ակնարկներ, 2018 թ. Բուլղարիայում Պ. Յավորովի ծննդյան 140-ամյակի առթիվ տեղի ունեցած հանդիսությունների լուսանկարներ և նյութեր։ Հանդիսությանը հրավիրված էր նաև ՀԳՄ նախագահ Էդ. Միլիտոնյանը։

Օրերս՝ մայիսի 26-ին, ՀԳՄ նախագահի հյուրն էին Բուլղարիայի Չերպան քաղաքի Պ. Յավորովի տուն-թանգարանի տնօրեն Թեոդոր Իվանովը և Բուլղարիայի Պ. Յավորովի հիմնադրամի անդամ Գրիգոր Սրենցը։ Ծավալված զրույցի ընթացքում երկուստեք պայմանավորվածություն ձեռք բերվեց, որ Հայաստանում և Բուլղարիայում հրատարակվի «Մենք և աշխարհը» շարքից հայ գրողները Բուլղարիայի և բուլղար գրողները Հայաստանի մասին գիրքը։ Նշվեց նաև, որ բուլղար մեծ բանաստեղծի ծննդյան 145-ամյակի առթիվ տեղի կունենան հանդիսություններ Երևանի Պ. Յավորովի անվան դպրոցում և այլուր։

Նրանք տեղյակ պահեցին, որ Չիրպանի քաղաքապետարանը դիմել է Սևանի քաղաքապետարանին՝ բարեկամանալու, քույր քաղաքներ դառնալու մտադրության մասին։

Հանդիպման ավարտին ՀԳՄ նախագահ Էդվարդ Միլիտոնյանը հյուրերին նվիրեց իր հեղինակությամբ տպագրված «Խղճի բանաստեղծը» գրքից օրինակներ։

Գրեք մեկնաբանություն

Ձեր էլ․փոստի հասցեն չի հրապարակվելու։ Պարտադիր դաշտերը նշված են * -ով։

This site uses Akismet to reduce spam. Learn how your comment data is processed.