Բաց նամակ ՀՀ ԿԳՄՍ նա­խա­րար պա­րոն ՎԱՀՐԱՄ ԴՈՒՄԱՆՅԱՆԻՆ

ՀՀ ԿԳՄՍ նա­խա­րար
պա­րոն ՎԱՀՐԱՄ ԴՈՒՄԱՆՅԱՆԻՆ
Հար­գար­ժա՛ն նա­խա­րար, վստահ ենք, որ քա­ջա­տեղ­յակ եք ման­կա­պա­տա­նե­կան մա­մու­լի առջև այ­սօր ծա­ռա­ցած խնդիր­նե­րին։ Երբ 1990 թվա­կա­նին Հա­յաս­տա­նի ե­րեք ման­կա­պա­տա­նե­կան պարբե­րա­կան­նե­րը («ԱՂԲՅՈՒՐ», «ԾԻԾԵՌՆԱԿ», «ԿԱՆՉ») ՀՀ Գե­րա­գույն խորհր­դի նա­խա­գա­հութ­յան ո­րոշ­մամբ առն­վե­ցին պե­տա­կան հո­վա­նա­վո­րութ­յան ներ­քո, թվում էր, թե նրանք այլևս խնդիր­ներ չեն ու­նե­նա­լու։
Հա­յաս­տա­նի Հան­րա­պե­տութ­յան «Ե­րե­խանե­րի ի­րա­վունք­նե­րի մա­սին» օ­րեն­քի (ո­րը Խորհր­դա­րանն ըն­դու­նել է 1996 թ. մա­յի­սի 29-ին) 18-րդ հոդվա­ծը ա­սում է, որ ե­րե­խա­յի ստեղ­ծա­գոր­ծա­կան հնա­րա­վո­րութ­յուն­նե­րի զար­գաց­ման նպա­տա­կով պե­տութ­յու­նը խրա­խու­սում է ՄԱՆԿԱԿԱՆ ԹԵՐԹԵՐԻ և ԱՄՍԱԳՐԵՐԻ հրա­տա­րա­կու­մը, ա­պա­հո­վում դրանց ՄԱՏՉԵԼԻՈՒԹՅՈՒՆԸ։ Այս օ­րեն­քը, փաս­տո­րեն, շրջանց­վում է նա­խա­րա­րութ­յան կող­մից հենց տեն­դեր հայ­տա­րա­րե­լու փաս­տով, տեն­դեր, ո­րը ոչ թե ե­րե­խա­նե­րի, այլ հենց միայն նա­խա­րա­րութ­յան հա­մար է ա­պա­հո­վում ՄԱՏՉԵԼԻՈՒԹՅՈՒՆ (ով ա­վե­լի է­ժան ամ­սա­գիր կտրա­մադ­րի)։ Նա­խա­րա­րութ­յու­նը, փաս­տո­րեն, օ­րեն­քի հի­շա­տա­կած մատ­չե­լիութ­յու­նը մեկ­նա­բա­նում է իր օգ­տին և­ ոչ թե ե­րե­խա­նե­րի։ Ն­շենք, որ այս աս­պա­րե­զում հայ­տա­րար­ված մրցույթ­նե­րը ձա­խող­վե­ցին, քա­նի որ դրանք շա­հե­ցին կա՛մ տպա­րան­ներ ու­նե­ցող հրա­տա­րակ­չութ­յուն­նե­րը, կա՛մ տա­ռաս­խալ­նե­րով, կե­տադ­րա­կան և խմ­բագ­րա­կան բազ­մա­թիվ սխալ­նե­րով (ու­նենք փաս­տա­կան-նյու­թա­կան ա­պա­ցույց­ներ, ո­րոնք ներ­կա­յաց­րել ենք նաև մա­մու­լում) ինչ-որ պար­բե­րա­կան­ներ տպագ­րած մար­դիկ, ո­րոնք չեն տի­րա­պե­տում ման­կա­պա­տա­նե­կան մա­մու­լի բո­վան­դա­կա­յին ա­ռանձ­նա­հատ­կութ­յուն­նե­րին: Մենք մրցույթ­նե­րում պարտ­վե­ցինք և պարտ­վե­լու ենք, քա­նի որ ման­կա­պա­տա­նե­կան մա­մուլ հրա­տա­րա­կե­լու գոր­ծում մաս­նա­գի­տա­ցած փոր­ձա­ռու, բայց սոսկ խմբագ­րա­կան կո­լեկ­տիվ­ներ ենք և չենք ու­նե­ցել ու չու­նենք նյու­թա­կան բա­զա` տպա­րան, որ­պես­զի կա­րո­ղա­նանք մրցու­նա­կութ­յուն դրսևո­րել գնա­յին ա­ռա­ջար­կի մեջ (մրցույ­թի ա­ռա­ջին պայ­մա­նը ա­մե­նա­ցածր գին ներ­կա­յաց­նելն էր):
Խո­րա­պես գի­տակ­ցում ենք, որ մեր եր­կի­րը դժվար օ­րեր է ապ­րում, բայց ա­ռա­ջար­կում ենք վե­րը նշված ի­րա­վա­կան հիմ­քե­րով վերսկ­սել ման­կա­պա­տա­նե­կան այս ե­րեք պար­բե­րա­կան­նե­րին ֆի­նան­սա­պես օգ­նե­լու (հաս­կա­նա­լի է` ա­ռայժմ ոչ ա­ռաջ­վա չա­փով) պե­տա­կան ա­ջակ­ցութ­յու­նը` պայ­մագ­րա­յին կամ այլ հի­մունք­նե­րով:
Խնդ­րի շուրջ ման­րա­մասն զրու­ցե­լու հա­մար խնդրում ենք ըն­ձե­ռել Ձեզ հետ հան­դի­պե­լու հնա­րա­վո­րութ­յուն։

«ԱՂԲՅՈՒՐ» ամ­սագ­րի
գլխ. խմբա­գիր՝ Թ. ՏՈՆՈՅԱՆ
«ԾԻԾԵՌՆԱԿ» ամ­սագ­րի
գլխ. խմբա­գիր՝ Ա. ՎԱՐԴԱՆՅԱՆ
«ԿԱՆՉ» թեր­թի գլխ. խմբա­գիր`
Վ. ՄՆԱՑԱԿԱՆՅԱՆ