Սերբիայի Հանրապետության նախագահ Տոմիսլավ Նիկոլիչի հրամանով, բանաստեղծ, թարգմանիչ, սերբագետ, մշակույթի գործիչ Բաբկեն Սիմոնյանին շնորհվել է Սերբիայի Հանրապետության բարձրագույն պետական պարգև` Ոսկե մեդալ` ստեղծագործական աշխատանքի 40-ամյակի առթիվ և հայ-սերբական գրական ու մշակութային կապերն ամրապնդելու գործում ձեռք բերած ակնառու հաջողությունների համար: Սերբիայի Հանրապետության պետականության տոնի առթիվ, նախագահական պալատում, ի թիվս անվանի այլ մտավորականների, Սերբիայի Հանրապետության նախագահ Տոմիսլավ Նիկոլիչը Բաբկեն Սիմոնյանին հանձնել է Սերբիայի Հանրապետության պետական բարձր պարգևը:
