օրացույց. Հակոբ Կարապենց / Հրանտ ԹԱՄՐԱԶՅԱՆ

Կարապենցին լիովին հաջողվում է արվեստի լեզվով խոսել և՛ Սփյուռքի, և՛ ամերիկյան կյանքի մասին: Նա կանգնած է մի մակարդակի վրա, որը բնավ չի զիջում ո՛չ ամերիկյան գրականության ժամանակակից որակին, ո՛չ էլ ժամանակակից հայ գրականության ճշմարիտ նվաճումներին: Նրա գրիչը բեղմնավոր է բոլոր թեմաների մեջ, և ազգային ոչ մի ոլորտ խորթ չէ նրա հոգեկան կերտվածքին: Սակայն արդար կլինի ասել, որ մի տեղ Կարապենցի գրիչը գոնե այսօր գրեթե հավասարը չունի: Թերևս ճիշտ կլինի ասել` նա ստեղծել է մի ուրույն աշխարհ…