Փետրվարի 12-ին ՀԳՄ կլոր սրահում տեղի ունեցավ Թարյան-Մխիթարյան ընտանիքի
«Հայրենանվեր» գրական մրցանակաբաշխության մրցանակների հանձնումը: ՀԳՄ նախագահ Էդվարդ Միլիտոնյանը խոսեց մրցանակաբաշխության կարևորության մասին և շնորհակալություն հայտնեց Թարյան-Մխիթարյան ընտանիքին, մասնավորապես, միջոցառմանը ներկա Անահիտ Թարյանին՝ այն նախաձեռնելու համար: Նա խոսեց Մնացական Թարյանի գրական գործունեության, ինչպես նաև Նվեր Մխիթարյանի մեկենասության մասին: Ելույթ ունեցան մրցանակաբաշխության հանձնաժողովի նախագահ, ՀԳՄ քարտուղար Նորեկ Գասպարյանը, հրատարակիչ Վան Արյանը և «Նորք» ամսագրի խմբագիր Լիլիթ Հովսեփյանը: Էդվարդ Միլիտոնյանը և Նորեկ Գասպարյանը մրցանակները հանձնեցին մրցանակակիրներին:
ԱՐՁԱԿ
Հակոբ Հարություն «Է վանքի կոչնակը» – 1-ին մրցանակ
Հովիկ Վարդումյան «Բաժանարար գիծ» – 2-րդ մրցանակ
Կիմ Գաբրիելյան «Սև ծիծեռնակ» – 3-րդ մրցանակ
ՊՈԵԶԻԱ
Անդրանիկ Կարապետյան «Հետհաշվարկ» – 1-ին մրցանակ
Զավեն Բեկյան «Բութը» – 2-րդ մրցանակ
Ռոլանդ Շառոյան «Անցյալը ներկա կամ…» – 3-րդ մրցանակ
«Հայրենանվեր» հատուկ մրցանակներ տրվեցին
Դարիկո Խաչատրյանին «Գոյիմաստ» գրքի համար
Հրանուշին «Լուսադարձ» գրքի համար .
Գևորգ Թումանյանին «Հնձած խոտ» գրքի համար
ԴՐԱՄԱՏՈՒՐԳԻԱ
Գուրգեն Խանջյան «Կոնցերտ թավջութակի և կիթառի համար
Թորգոմա տուն. Հայկ» – 1-ին մրցանակ
ՄԱՆԿԱԿԱՆ
Ալվարդ Հովսեփյան «Երեք խնձոր ընթրիքին» – 2-րդ մրցանակ
Գոհար Գալստյան «Գունդուչիկը դպրոցում» – 3-րդ մրցանակ
Սուրեն Դավթյան «Ես աշխարհ եմ աշխարհի մեջ» – 3-րդ մրցանակ
Սաթենիկ Ղազարյան «Ես վիշապ ունեմ» – 3-րդ մրցանակ
Մրցանակաբաշխության հանձնաժողովի որոշմամբ «Հայրենանվեր» հատուկ մրցանակ շնորհվեց Անահիտ Թարյանին՝ հայրենանվեր գործունեության համար։ Մրցանակակիրները շնորհակալություն հայտնեցին ստացած մրցանակների համար:
ՀԳՄ Սուրեն Քոչարյանի անվան պոեզիայի և ասմունքի թատրոնի ներկայացմամբ հնչեցին բանաստեղծություններ: Գաբրիել Սունդուկյանի անվան ազգային ակադեմիական թատրոնի դերասաններ Սամվել Բաղինյանը և Ռուզաննա Հախնազարյանը ասմունքեցին Մնացական Թարյանի և Ա. Թարյանի բանաստեղծություններից: Անահիտ Թարյանի «Мне имя-женщина» ռուսերեն գրքից բանաստեղծություններ ընթերցեց բանաստեղծ, թարգմանիչ Կոնստանտին Շաքարյանը: Գիրքը ռուսերեն են թարգմանել «Լիտերատուրնայա Արմենիա» ամսագրի խմբագիր Ալբերտ Նալբանդյանը և Կոնստանտին Շաքարյանը: Անահիտ Թարյանը շնորհակալություն հայտնեց գնահատանքի համար և իր գրքերից նվիրեց ներկաներին:
