«Ցիսկարի» ամսագրում տպագրվել է Էդվարդ Միլիտոնյանի բանաստեղծությունների շարքը

«Ցիսկարի» ամսագրում (թիվ 6, 2016) տպագրվել է Էդվարդ Միլիտոնյանի բանաստեղծությունների շարքը՝ վրացի հայտնի բանաստեղծ Բարալեթ Արաբուլիի թարգմանությամբ: Տողացիների հեղինակը Մաղվալա Գևուրկովան է: Շարքը ներկայացված է բանաստեղծի կենսագրական տվյալներով, որտեղ մասնավորապես նշված է, որ ժամանակակից հայ բանաստեղծ, վրաց ժողովրդի մեծ բարեկամ Էդվարդ Միլիտոնյանը բանաստեղծությունների, պատմվածքների և թարգմանությունների 56 գրքի հեղինակ է, նրա ստեղծագործությունները թարգմանվել են բազմաթիվ լեզուներով: Էդ. Միլիտոնյանը Վրաստանի Քութայիս քաղաքում 1982 թ. արժանացել է Վլ. Մայակովսկու անվան միջազգային մրցանակի: