Մայիսի 22-ին տեղի ունեցավ ՀԳՄ նախագահության հերթական նիստը: ՀԳՄ նախագահ Էդվարդ Միլիտոնյանը համառոտակի ներկայացրեց առաջիկա օրերի միջոցառումների ծրագիրը: Մասնավորապես, Հայաստանի Առաջին Հանրապետության 100-ամյակի տոնակատարությունների շրջանակում գրողները հանդիպումներ կունենան Արմավիրում, Ապարանում և Վանաձորում: Ամսվա վերջում ՀԳՄ Ծաղկաձորի ստեղծագործական տանը կմեկնարկի երիտասարդ գրողների հերթական ամենամյա հավաքը:
Այնուհետև ՀԳՄ նախագահը հայտնեց, որ գրահրատարակչական ոլորտի աշխատանքները բարելավելու նպատակով նախատեսված է հրատարակիչների, խմբագիրների հանդիպում Մշակույթի նորանշանակ նախարար Լիլիթ Մակունցի հետ: ՀԳՄ նախագահը նշեց, որ, հաշվի առնելով գրական դաշտի ներկա մտահոգությունները, անհրաժեշտություն կա վերանայելու առկա խնդիրները, և հանդիպմանը Հայաստանի գրողների միությունը ներկայացնելու է իր առաջարկությունները: Հարցի շուրջ արտահայտվեցին Արևշատ Ավագյանը, Կարինե Խոդիկյանը, Գագիկ Դավթյանը, Պետրոս Դեմիրճյանը, Սամվել Կոսյանը: Քննարկման արդյունքում հնչեցին մի շարք առաջարկություններ, որոնք էլ` նախագահության որոշմամբ, կներկայացվեն Մշակույթի նախարարին:
Կարդալ նաեւ․․․
Արամ Սեփեթճյանը՝ գրական կամուրջ
Հոկտեմբերի 23-ին ՀԳՄ Կլոր սրահում տեղի ունեցավ գրական հանդիսություն՝ նվիրված…
ԹԱՐԳՄԱՆԱԿԱՆ ԱՐՎԵՍՏԸ ԱՐԺԱՆԻ Է ԼՈՒՐՋ ՈՒՇԱԴՐՈՒԹՅԱՆ
Հունիսի 29-ին ՀԳՄ Մեծ դահլիճում տեղի ունեցավ լիանիստ` նվիրված թարգմանական…
Լեհական մրցանակ հայ բանաստեղծին
Լեհաստանի «Տեմատ»-ի գրադարան հրատարակչությունը, սեփական միջոցներով, «Արդի հայ պոեզիա» մատենաշարով…
