ՀԱՅ-ԻՐԱՆԱԿԱՆ ԱՌՆՉՈՒԹՅՈՒՆՆԵՐ

Հու­լի­սի 16-ին ՀԳՄ Կ­լոր սրա­հում հյու­րըն­կալ­վե­ցին պարս­կա­կան «­Սա­լես» հրա­տա­րակ­չութ­յան տնօ­րեն Մո­հա­մադ Ա­լի Ջա­ֆա­րիե­նը և­ ար­տադ­րա­կան մա­սի ղե­կա­վար Սի­նա Ջա­ֆա­րիե­նը:
ՀԳՄ նա­խա­գահ Էդ­վարդ Մի­լի­տոն­յա­նը, ող­ջու­նե­լով ներ­կա­նե­րին, տե­ղե­կաց­րեց, որ այ­ցե­լութ­յան նպա­տակն է հան­դի­պել հայ ար­ձա­կա­գիր­նե­րի հետ և­ ի­րա­գոր­ծել մի ծրա­գիր, ո­րը հնա­րա­վո­րութ­յուն կտա պար­սիկ ըն­թեր­ցո­ղին ծա­նո­թա­նալ հայ ժա­մա­նա­կա­կից ար­ձա­կին:
«­Մեր դա­րա­վոր բա­րե­կա­մութ­յու­նը, մեր դա­րա­վոր մշա­կու­թա­յին առն­չութ­յուն­նե­րը այ­սօր գրքի ձևով մա­տուց­վում են Ի­րա­նում և Հա­յաս­տա­նում»,- ա­սաց ՀԳՄ նա­խա­գա­հը:
ՀՀ ԻԻՀ դես­պա­նութ­յան մշա­կույ­թի կենտ­րո­նի մշա­կույ­թի խորհր­դա­կան Սեյ­յեդ Հո­սեյն Թա­բա­թաբա­յին իր խոս­քում անդ­րա­դար­ձավ «Իմ հարևան երկ­րի ժա­մա­նա­կա­կից գրա­կա­նութ­յու­նը» խո­րագրով ծրագ­րին, ո­րի շրջա­նա­կում ընտր­վում, թարգ­ման­վում և հ­րա­տա­րակ­վում է Ի­րա­նին հար­ևան երկր­նե­րի ժա­մա­նա­կա­կից ար­ձա­կը:
Մո­հա­մադ Ա­լի Ջա­ֆա­րիեն, խո­սե­լով հրա­տա­րակ­չութ­յան գոր­ծու­նեութ­յան մա­սին, ընդգ­ծեց, որ այն 120 տա­րուց ա­վե­լի է, ինչ գոր­ծում է գրքի շու­կա­յում (5 սե­րունդ) և մեծ ու­շադ­րութ­յուն է դարձ­նում հայ գրա­կա­նութ­յա­նը՝ ոչ միայն պարս­կե­րեն թարգ­մա­նե­լով ու հրա­տա­րա­կե­լով հայ գրող­նե­րի ստեղ­ծա­գոր­ծութ­յուն­նե­րը, այլև ա­ջակ­ցե­լով հենց ի­րա­նա­հա­յե­րին, որ­պես­զի նրանց ստեղ­ծած գրա­կա­նութ­յու­նը հա­սա­նե­լի լի­նի, հրա­տա­րակ­վի ու ներ­կա­յաց­վի հենց Ի­րա­նի գրքա­սեր հա­սա­րա­կութ­յա­նը:
Նա նշեց, որ ո­րո­շել են ա­ռա­ջի­կա­յում անդ­րա­դառ­նալ հայ ժա­մա­նա­կա­կից ար­ձա­կին՝ վեր­ջին տա­րի­նե­րին հրա­տա­րակ­ված և­ արժ­ևոր­ված ար­ձակ ժո­ղո­վա­ծու­նե­րին (վեպ, վի­պակ, պատմ­վածք)՝ հաշ­վի առն­վե­լով, թե ի­րան­ցի գրքա­սեր հա­սա­րա­կութ­յան կող­մից որն ա­վե­լի ըն­կա­լե­լի և ըն­դու­նե­լի կլի­նի:
Հ­րա­տա­րա­կիչ­նե­րին հար­ցեր ուղ­ղե­ցին Ա­լիս Հով­հան­նիս­յա­նը, Գ­րի­գոր Ջա­նիկ­յա­նը, Դիա­նա Համ­բար­ձում­յա­նը, Էդ­վարդ Հախ­վերդ­յա­նը, Խո­րեն Ա­րա­մու­նին և ու­րիշ­ներ:
ՀԳՄ ան­դամ ար­ձա­կա­գիր­նե­րը գրքե­րը՝ ստեղ­ծա­գոր­ծութ­յան վե­րա­բեր­յալ հա­կիրճ նկա­րագ­րութ­յամբ (ա­ռա­վե­լա­գույ­նը 2 էջ), կա­րող են ներ­կա­յաց­նել ՀԳՄ գոր­ծե­րի կա­ռա­վա­րիչ Հե­ղի­նե Նա­զար­յա­նին: