ՀԳՄ ՆԱԽԱԳԱՀՈՒԹՅԱՆ ԵՎ ՎԱՐՉՈՒԹՅԱՆ ՆԻՍՏՈՒՄ

Դեկտեմբերի 26-ին տեղի ունեցավ ՀԳՄ նախագահության տարեմուտի նիստը: ՀԳՄ նախագահ Էդվարդ Միլիտոնյանը ներկայացրեց 2017 թ. ՀԳՄ գործունեության ամփոփ հաշվետվությունը: Հաշվետու տարում ՀԳՄ-ի կողմից իրականացվել է շուրջ 200 միջոցառում: Արդեն ավանդական դարձած` գիրք նվիրելու օր, մանկապատանեկան գրքի շաբաթ, թարգմանչաց տոն, սայաթնովյան «Վարդատոն» և այլն, տեղի են ունեցել բազմաթիվ տարաբնույթ միջոցառումներ` գրքերի շնորհանդեսներ, հոբելյաններ, հադիպումներ դպրոցներում և […]

Վերահրատարակվել է «Սև գիրք, ծանր բզեզ» գիրքը

Վերահրատարակվել է ետանկախության շրջանի հայ գրականության ամենանշանակալի դեմքերից մեկի` Լևոն Խեչոյանի «Սև գիրք, ծանր բզեզ» գիրքը: Գրքի շնորհանդեսը տեղի ունեցավ «Նոյյան տապան» գրախանութում մեծ գրողի ծննդյան օրը` դեկտեմբերի 8-ին: Գրականագետ Երվանդ Տեր-Խաչատրյանի խոսքով, Խեչոյանի գրականությունը բացառիկ գրականություն է. «Իր լեզվամտածողությունը աննման էր: Պարզ բառարանային բառեր էին, սակայն շատ գեղեցիկ շարադրված ու համադրված: Նրա «Խնկի ծառեր» […]

Տպավորիչ առաջնախաղ / Զավեն ՊԵՏՐՈՍՅԱՆ

Դեկտեմբերի 12-ին Նոյեմբերյանի քաղաքային մշակույթի կենտրոնը (տնօրեն` Սոնյա Զուրաբյան) հանդիսատեսի դատին հանձնեց Սամվել Բեգլարյանի «Կյանքն ինչպես որ կա» երկու գործողությամբ պիեսի առաջնախաղը: Սամվել Բեգլարյանն այս ներկայացմանը եռակի մասնակից էր` պիեսի հեղինակ, ռեժիսոր, դերասան, ինչն ինքնին խոսում է անվանի արձակագրի բազմակողմանի տաղանդի մասին: Պիեսի շոշափած հարցերը արդիական հնչեղություն ունեն` արտագաղթ, մարդկային տարրական իրավունքների ոտնահարում, անարդար հարաբերություններ […]

Մշակույթը՝ ամենակարևոր կամուրջ

Դեկտեմբերի 12-ին ՀԳՄ Կլոր սրահում տեղի ունեցավ թուրքերենից հայերեն թարգմանված մի շարք գրքերի, մասնավորապես Բուրգյուլ Օղուզի «Հահ» վեպի շնորհանդեսը: ՀԳՄ նախագահ Էդվարդ Միլիտոնյանը, փաստելով, որ վերջին տարիներին Հայաստանում ներկայացվել են ժամանակակից հայտնի թուրք գրողների՝ Նոբելյան մրցանակի դափնեկիր Օրհան Փամուկի, Շաֆաքի և մի շարք այլ հեղինակների ստեղծագործությունները, նշեց, որ դա դուռ է, որպեսզի մեր գրականությունը ևս […]

Ապրել մանուկների կյանքով

Դեկտեմբերի 12-ին Խնկո-Ապոր անվան գրադարանում տեղի ունեցավ Անահիտ Թարյանի գրական գործունեությանը նվիրված գրական ցերեկույթ և «Գիտնական իշուկը» գրքի շնորհանդեսը: ՀԳՄ նախագահ Էդվարդ Միլիտոնյանը, ներկայացնելով բազմաթիվ գրքերի հեղինակ Անահիտ Թարյանին, ով դեռևս ուսանողական տարիներից տպագրվում էր «Պիոներ կանչ»-ում և այլ հանդեսներում, նշեց, որ, ի տարբերություն հաճախ միայն դաստիարակչական բնույթ ունեցող մանկական բանաստեղծությունների, Թարյանի գործերը երեխաների նման […]

Ի նպաստ հայ-վրացական բարեկամության

Դեկտեմբերի 7-ին ՀԳՄ Կլոր սրահում տեղի ունեցավ գրական ցերեկույթ՝ նվիրված թարգմանչուհի Մաղվալա Գեուրկովայի ծննդյան 75-ամյակին: ՀԳՄ նախագահ Էդվարդ Միլիտոնյանը, խոսելով դարերի մեջ թրծված հայ-վրացական բարեկամության, մշակույթի մասին, շեշտեց, որ հայը և վրացին հոգևորով ապրող ժողովուրդներ են եղել և հենց դրանով են դիմակայել բազում ծանր ճակատագրական հարվածներին: Ապա անդրադառնալով Մաղվալա Գեուրկովայի գրական-մշակութային գործունեությանը՝ Էդ. Միլիտոնյանը նշեց, […]

ԳՐՈՂԸ ԴՊՐՈՑՈՒՄ

Մայրաքաղաքի Ավան համայնքում գործող N 171 դպրոցի «Հյուրասրահ» ակումբն այս անգամ շատ ավելի էր ընդարձակել շրջանակները, իսկ պատճառն ու առիթը Հայաստանի գրողների միության նախագահ, բանաստեղծ Էդվարդ Միլիտոնյանի հետ կազմակերպված հանդիպումն էր: Դպրոցի ընդարձակ դահլիճը լեփլեցուն էր. աշակերտներից և կրթօջախի մանկավարժներից զատ հանդիպմանը հրավիրվել էին դպրոցների տնօրեններ, ծնողներ: Հյուրի ստեղծագործական ճանապարհի մասին ամփոփ խոսքով հանդես եկավ […]

Մեր ժամանակի քրոնոգրաֆիա

Դեկտեմբերի 5-ին ՀԳՄ Կլոր սրահում տեղի ունեցավ բանաստեղծ, հրապարակախոս Սամվել Մարգարյանի «Հերոսապատում» գրքի շնորհանդեսը: ՀԳՄ նախագահ Էդվարդ Միլիտոնյանը, ընդգծելով, որ գրական աշխարհում Ս. Մարգարյանը միշտ էլ ներկա է եղել քաղաքացիական իր մասնակցությամբ, նշեց, որ «Հերոսապատում» գիրքը տարբեր տարիների գրվածքների միաբերում է: «Այս գիրքը Արցախյան հերոսամարտի մասնակիցների, Սարդարապատի և ապրիլյան քառօրյայի զոհվածների, նաև ապրողների մասին է»,- […]

ԱՇՆԱՆԱՅԻՆ ՌԻԹՄԵՐ

Ավ. Իսահակյանի անվան կենտրոնական գրադարանում տեղի ունեցավ «Աշնանային ռիթմեր» պոեզիայի ցերեկույթ, որի մշտական կազմակերպիչն է անվանի բանաստեղծ Արևշատ Ավագյանը: Հնչեցին Վահան Տերյանի բանաստեղծությունները Գայանե Սամվելյանի կատարմամբ, այնուհետև աշնանը նվիրված, և ոչ միայն, իրենց ստեղծագործություններից ընթերցեցին Լիլիթը, Անուշ Վարդանյանը, Գոհար Գալստյանը, Մանիկ Աճեմյանը, Խանդութ Զուռնաչյանը, Լևոն Բլբուլյանը, Բագրատ Ալեքյանը, Արևշատ Ավագյանը, Ռազմիկ Գալստյանը: Իրենց ստեղծագործությունները ներկայացնելու […]

Չարենցը` համաշխարհային գրականության սինթեզ

Նոյեմբերի 27-ին` Եղիշե Չարենցի մահվան օրը, բանաստեղծի հուշարձանի մոտ տեղի ունեցավ ոգեկոչման արարողություն: Գրողներ, մտավորականներ, Ե. Չարենցի անունը կրող դպրոցի աշակերտներ մեկ անգամ ևս վերարժևորեցին գրողի ստեղծագործությունները: ՀԳՄ նախագահ Էդվարդ Միլիտոնյանի հավաստմամբ` թեև Եղիշե Չարենցը ապրեց ընդամենը 40 տարի, սակայն լիքն էր Չարենցի ամեն վայրկյանը, րոպեն, ժամն ու օրը հայոց պատմության էջերով՝ և՛ բերկրալից, և՛ […]

ՌՈԼԱՆԴ ՇԱՌՈՅԱՆ – 65

Ռոլանդ Շառոյանը 65 տարեկան է: Բայց դե` ճշմարիտ գրողի տարիքը որն է… Եթե Ռոլանդ Շառոյանը կենսաբանորեն ծնվել է 1952-ին Թալինի Աշնակ գյուղում, ապա գրականությամբ ու թեմատիկայով` հենց 1915 թվականին, որի մեծ ցավից, հայրենազրկումից ու կարոտից հյուսվեց նրա գրականությունը: Գրողն ու իր գրականությունը երբեմն մերձենում-նույնանում են: Ցավի այդ կարմիր երակից վերջերս միանգամից ծնվեցին երկու գիրք` «Բառերի […]

ԱՐԴԻ ՀԱՅ ՊՈԵԶԻԱՅԻ ԵՐԵԿՈ ԼԵՀԱՍՏԱՆՈՒՄ

Ի նշանավորումն Լեհաստանում հայ համայնքի կազմավորման 650-ամյակի, Հայաստանի գրողների միության պատվավոր անդամ, լեհ բանաստեղծուհի Կալինա Իզաբելա Զիոլայի նախաձեռնությամբ, Պոզնանի «Լորենիների տակ» մշակութային կենտրոնում նոյեմբերի 24-ին կայացավ ժամանակակից հայ պոեզիայի երեկո: Ցուցադրված էին երկու երկրների գրողների միությունների բեղմնավոր համագործակցության մասին պատմող նյութեր, մասնավորապես Լեհաստանում հրատարակված Գագիկ Դավթյանի «Աստանդական սիրտը», Էդվարդ Միլիտոնյանի «Որոնումներ» ժողովածուները, հայ պոեզիայի «Խաչվող […]

Տեղի ունեցավ Հրաչ Հառիճեցու «Եվ հոսեց կենարար ջուրը մայր տաճար» վեպի շնորհանդեսը

*** Նոյեմբերի 21-ին ՀԳՄ Կլոր սրահում տեղի ունեցավ Հրաչ Հառիճեցու «Եվ հոսեց կենարար ջուրը մայր տաճար» վեպի շնորհանդեսը: Բանաստեղծ, թարգմանիչ, ՀԳՄ հրատարակչության տնօրեն և խմբագիր Շանթ Մկրտչյանը նշեց. «Հրաչ Հառիճեցին ուզում է տեսնել նոր, անկախ Հայաստանն իր հզորության, ամբողջականության մեջ անտրոհելի մի երկիր»,- ասաց Շ. Մկրտչյանը և հավելեց. «Հենց այդ ազդակներն են մղել նրան կերտել […]

ՀՈԲԵԼՅԱՆԱԿԱՆ ՀԱՆԴԻՍՈՒԹՅՈՒՆ ՀԱՅՐԵՆԻ ՔԱՂԱՔՈՒՄ / Վահրամ ՕՐԲԵԼՅԱՆ

Կապանի համայնքապետարանի նախաձեռնությամբ քաղաքի մշակույթի կենտրոնում կայացավ հոբելյանական հանդիսություն` նվիրված Գագիկ Դավթյանի 70-ամյակին: Հանդիսությունը սկսվեց Սյունիքի օրհներգով, որը ստեղծվել է նրա գրած տեքստի հիման վրա: «Գագիկ Դավթյանի ծննդյան 70 և գրական գործունեության 50-ամյակները նշվել են նախ` Հայաստանի գրողների միությունում, ապա` Թբիլիսիում, և դա պատահական չէ,- ասաց Էդվարդ Միլիտոնյանը,- որովհետև մեզանում թեև կան հրաշալի թարգմանիչներ, բանաստեղծներ, […]

ԲԱՌԵՐԸ` ՎՐՆՋԱՑՈՂ ՁԻԵՐ

Նոյեմբերի 13-ին Հ. Պարոնյանի անվան երաժշտական կոմեդիայի պետական թատրոնում տեղի ունեցավ արձակագիր Ռոլանդ Շառոյանի «Բառերի խրխինջը» բանաստեղծությունների ժողովածուի և «Էրգրի աստվածները» վիպասքի շնորհանդեսը: ՀԳՄ նախագահ Էդվարդ Միլիտոնյանը, ընդգծելով, որ Ռոլանդի գրչին հատուկ են հումորը, զվարթությունը, որոնք առավելապես արտահայտված են «Բառերի խրխինջը» գրքում, միաժամանակ նշեց, որ Ռ. Շառոյանն իր Աշնակ գյուղի կենցաղային, թվացյալ պարզունակ կյանքի մեջ […]

Ձեռքը՝ ժամանակի երակին

Նոյեմբերի 10-ին ՀԳՄ մեծ դահլիճում տեղի ունեցավ գրական հանդիսություն՝ նվիրված արձակագիր, լրագրող Դավիթ Սարգսյանի ծննդյան 60-ամյակին: ՀԳՄ նախագահ Էդվարդ Միլիտոնյանը, ներկայացնելով Դ. Սարգսյանին, նշեց. «Ազնիվ հոգի, որը շարունակում է հոր՝ Մկրտիչ Սարգսյանի մաքուր հոգու տոհմային շառավիղը և պատանեկան տարիքից պատմվածքներ, ապա և հրապարակախոսական հոդվածներ գրելով հաստատում, որ ոչ թե պարզապես հոր զավակն է շարունակում գրել, […]

Նյութի և հոգու պայքարը Էդուարդ Խաչիկյանի գրվածքներում

Նոյեմբերի 8-ին ՀԳՄ Կլոր սրահում տեղի ունեցավ արձակագիր Էդուարդ Խաչիկյանի «Ղեբուբան կամ արքայի գործակալը», «Սմբատ Գունդստաբլ», «Օ, Քինգ», «Սև հրեշտակի խոստումը» և «Գրավաճառը» գրքերի շնորհանդեսը՝ նվիրված գրողի ծննդյան 60-ամյակին: ՀԳՄ նախագահ Էդվարդ Միլիտոնյանը անդրադառնալով պատմավեպի թեմատիկային, որը Խաչիկյանի գրականության հիմնական ուղղություններից է, նշեց. «Խաչիկյանի պատմավեպը, ընդգրկելով տարբեր պատմական ժամանակներ՝ նախաքրիստոնեական, քրիստոնեական, Կիլիկյան Հայաստան և տարբեր […]

ՉԻՆԱՍՏԱՆ. ՀԱՅ ԲԱՆԱՍՏԵՂԾԸ ՄԱՍՆԱԿՑԵՑ ՊՈԵԶԻԱՅԻ ՄԻՋԱԶԳԱՅԻՆ ՇԱԲԱԹԻՆ

Հոկտեմբերի 9-15-ը Սիչան քաղաքում կայացավ Պոեզիայի միջազգային շաբաթ` «Սիչան-Ցյունհայի Մետաքսի ճանապարհը» խորագրով, որին հրավիրված էր Գագիկ Դավթյանը: Այս տարի սա բանաստեղծի երկրորդ այցն էր Չինաստան: «Արծվային սլացքի և լույսի ոգեղեն քարեր» խորհրդանշական վերնագիրն է կրում Սիչան նահանգի Ազգային հրատարակչության տպագրած շքեղ անթոլոգիան, որում Ամերիկայից, Անգլիայից, Արգենտինայից, Չիլիից, Լատվիայից, Լեհաստանից, Իսպանիայից, Թաիլանդից, Չինաստանի տարբեր նահանգներից շաբաթի […]

Գրականությունը շունչ է և ոգի

Նոյեմբերի 6-ին ՀԳՄ Կլոր սրահում տեղի ունեցավ գրականագետ, գրաքննադատ Դավիթ Գասպարյանի «Հոգու հայելի» («21-րդ դար, հայ գրողներ» մատենաշար) մենագրության շնորհանդեսը: Գրքի խմբագիր, գրականագետ Արմեն Ավանեսյանը, անդրադառնալով Խաչիկ Մանուկյանի ստեղծագործություններին նվիրված մենագրությանը, նշեց, որ այն բաղկացած է երեք հիմնական բաժիններից՝ «Գրական միջավայր», «Հոգու հայելի», «Բառուբանը»: Առաջին բաժնում գրականագետը ներկայացնում է ժամանակակից գրական կյանքի որոշակի իրողություններ, որտեղ, […]

Քննարկվել է Երևանի քաղաքապետարանի և Գրողների միության համագործակցության ծրագիրը

Հոկտեմբերի 26-ին ՀԳՄ նախագահ Էդվարդ Միլիտոնյանն ընդունեց Երևանի քաղաքապետի տեղակալ Արամ Սուքիասյանին: Վերջինս, գրական-թարգմանական ոլորտում ունեցած մեծ վաստակի և ծննդյան 65-ամյակի կապակցությամբ, թարգմանիչ, արձակագիր Արամ Արսենյանին պարգևատրեց Երևանի քաղաքապետի Ոսկե մեդալով: Հանդիպման ընթացքում քննարկվեցին Երևանի քաղաքապետարանի և Գրողների միության համատեղ աշխատանքի որոշակի հարցեր: Հատկապես կապված գալիք տարվա Երևանի հոբելյանի հետ՝ որոշվեց տարվա լավագույն գրական մրցանակները, […]